Programa Europeo EUREKA, financiamento CDTI
IBERVITIS é un proxecto de cooperación tecnolóxica internacional que se desenvolve no marco do Programa de Cooperación Multilateral EUREKA, no que participan empresas españolas e portuguesas co obxectivo de impulsar a metodoloxía de selección policlonal en viñedos da Península Ibérica utilizando sete variedades clave da viticultura de España e Portugal, como son albariño, arinto, godello, sercial, rabo de ovelha, rufete e tempranillo.
O consorcio que impulsa este proxecto está formado polas entidades españolas Bodegas La Horra (coordinadora), Bodega Paco & Lola e Bodega Numanthia, así como polo grupo adegueiro portugués Sogrape e a asociación portuguesa para a conservación da vide (PORVID). Ademais, conta co apoio e a colaboración do Instituto Superior de Agronomía da Universidade de Lisboa. Ten unha duración prevista de 36 meses. Dispón dun orzamento total de 904.903 euros, cofinanciados pola Unión Europea e polo Centro para o Desenvolvemento Tecnolóxico e a Innovación (CDTI Innovación) con fondos FEDER, a través do Programa Operativo Plurirrexional de Crecemento Intelixente 2021-2027
